გიორგი ლაფანაშვილი

   გიორგი ლაფანაშვილი დაიბადა დუშეთის მაზრის სოფელ ჭოპორტში.

   1917 წლიდან გიორგი ლაფანაშვილი გახლდათ  „ქართველთა შორის წერა-კითხვის გამავრცელებელი საზოგადოების“ ნამდვილი წევრი.

   1922 წელს, გასაბჭოების შემდეგ, დუშეთის აღმასკომის თავმჯდომარედ მუშაობდა, მერე – თბილისში გადმოიყვანეს და საოლქო სასამართლოს სისხლის სამართლის განყოფილებას ხელმძღვანელობდა, საიდანაც თბილისის აღმასკომის განათლების ქვეგანყოფილების მომარაგების გამგედ გადაიყვანეს.

   1926 წელს თბილისის მუშფაკი დაამთავრა. მხურვალე მონაწილეობას იღებდა 1918 წლის დუშეთის აჯანყებაში.

   1927 წელს, მტკიცე ოპოზიციონერობის გამო, პარტიიდან გარიცხეს და სამსახურიდანაც დაითხოვეს.

   გიორგი ლაფანაშვილის გარდაცვალების თარიღი უცნობია.

• ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1917-)

• "ქართველ მოღვაწეთა ლექსიკონი" : იოსებ იმედაშვილი // II ტომი. - თბილისი, ეროვნული ბიბლიოთეკის გამომცემლობა, 2021. - გვ. 768