
	English Georgian

Correction

მიხეილ ქაიხოსროს ძე ამირეჯიბი (თავადი)

Legal name:	მიხეილ ქაიხოსროს ძე ამირაჯიბი
Other name:	ყარსკი (Pseudonym)
Date of birth:	2 September, 1833
Date of death:	25 November, 1903 (at 70 years)
Burial location:	მწერალთა და საზოგადო მოღვაწეთა დიდუბის პანთეონი
Category:	Military Person

Biography

მიხეილ ამირაჯიბი, მეტსახელად "ყარსკი", დაიბადა 1833 წლის 2 სექტემბერს. მისი მეუღლე - სოფიო ვასილის ასული ამირაჯიბი (ქალიშვილობის გვარი არგუტინსკაია-დოლგორუკოვა) საზოგადო მოღვაწე და პოეტი ქალბატონი გახლდათ. მის კალამს ეკუთვნის ქართველი პოეტების ნაწარმოებთა შესანიშნავი თარგმანები რუსულ ენაზე.

1851 წელს მიხეილმა თბილისის გრენადერთა პოლკში სამხედრო სამსახური დაიწყო რიგით ჯარისკაცად. ყირიმის 1853–1856 წლების ომის დროს კავკასიის ფრონტზე ოსმალეთის წინააღმდეგ ს. ბაიანდურის, ბაშკადიკლარისა და ყარსის ბრძოლებში მონაწილეობდა.

1877 წელს ამირაჯიბი ელიზავეტპოლის (ახლანდელი განჯა) 156-ე პოლკის მეთაურად დაინიშნა. მან განსაკუთრებით რუსეთ-ოსმალეთის 1877-1878 წლების ომის დროს გამოიჩინა თავი. იერიშით აიღო გელიავერდის სიმაღლეები, რამაც განაპირობა არდაჰანის დაცემა. თავი ისახელა დევე-ბოინუსთან ბრძოლაში.

1877 წელს ამირაჯიბმა გენერალ-მაიორის ჩინი მიიღო. 1893 წელს მიხეილი 39-ე ქვეითი დივიზიის უფროსად დაინიშნა, ხოლო 1899 წლიდან გენერალ-ლეიტენანტის ჩინით კავკასიის I საარმიო კორპუსის მეთაურად მსახურობდა. კავალერიის გენერალი მიხეილ ამირაჯიბი დაჯილდოებული იყო მრავალი საბრძოლო ორდენითა და მედლით.

მიხეილ ამირაჯიბი გარდაიცვალა 1903 წლის 25 ნოემბერს თბილისში.

Member of Organizations

ქართველთა შორის წერა-კითხვის გამავრცელებელი საზოგადოება, საზოგადოების დამფუძნებელი წევრი (1879-)

Awards and Honors

1901 - წმინდა ალექსანდრე ნეველის ორდენი
1878 - წმინდა გიორგის III ხარისხის ორდენი
1877 - წმინდა გიორგის IV ხარისხის ორდენი
პრუსიის გვირგვინის II ხარისხის ორდენი
წმინდა ვლადიმირის ორდენი
წმინდა სტანისლავის ორდენი
წმინდა ანას ორდენი

Contacts Information

Home

Address: თბილისი, ლაბორატორიის ქუჩა