სეით ლუარსაბის ძე იაშვილი

    სეით იაშვილი დაიბადა 1875 წლის 9 იანვარს, ზემო იმერეთის სოფელ არგვეთაში.

    1897 წელს დაამთავრა ქუთაისის გიმნაზია და ოდესაში გაემგზავრა, სადაც უნივერსიტეტის საბუნებისმეტყველო ფაკულტეტზე ჩააბარა, რომელიც 1902 წელს დაამთავრა.

    1902-1924 წლებში  თბილისის ქართულ გიმნაზიაში მასწავლებლად მუშაობდა და  ასწავლიდა ფიზიკას, გეოგრაფიასა და ბუნებისმეტყველებას. შემდეგ იგი ქართული გიმნაზიის ინსპექტორად გადაიყვანეს და ბოლოს დირექტორის მოვალეობასაც ასრულებდა.

     1924-1934 წლებში,  თბილისის რკინიგზის მუშათა ფაკულტეტზე მასწავლებლად მუშაობდა.

     1902 წლიდან სეით იაშვილი თანამშრომლობდა სხვადასხვა ჟურნალ-გაზეთებში.

     სეით იაშვილმა პირველმა შეადგინა ბუნებისმეტყველებისა და გეოგრაფიის სახელმძღვანელოები და პირველმა მიაწოდა ქართულ გაეროვნებულ სკოლებს ქართულ ენაზე შედგენილი სახელმძღვანელოები.

    სეით იაშვილი გარდაიცვალა 1963 წლის 19 იანვარს.

• ქართველთა შორის წერა-კითხვის გამავრცელებელი საზოგადოება, საზოგადოების თბილისის განყოფილების მუდმივი წევრი (1917-)
• ქართველთა შორის წერა-კითხვის გამავრცელებელი საზოგადოება, საზოგადოების სარევიზიო კომისიის წევრი (1908-)
• ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1899-)

• "ქართველ მოღვაწეთა ლექსიკონი" : იოსებ იმედაშვილი // II ტომი. - თბილისი, ეროვნული ბიბლიოთეკის გამომცემლობა, 2021