კალენიკე გიორგის ძე ქავთარაძე

    კალენიკე ქავთარაძე დაიბადა 1888 წელს შორაპნის მაზრაში.

    უმაღლესი განათლება რუსეთში მიიღო და ადრეული ასაკიდან შეუერთდა სოციალ-დემოკრატიული პარტიის მენშევიკურ ფრთას.

    1917 წელს, რუსეთის რევოლუციის შემდეგ, სოციალ-დემოკრატიული პარტიის ნაციონალისტურ ფრაქციაში შედიოდა.

    1918 წელს „ალიონის“ ფრაქციის სახელით საქართველოს დემოკრატიული რესპუბლიკის ეროვნულ საბჭოში. გახლდათ ეროვნული საბჭოს „ალიონის“ ფრაქციის მდივანი და პარლამენტის განათლების, სამანდატო და საარჩევნო კომისიების შემოდგენლობაში იყო გაწევრიანებული.

    1919 წელს „ალიონის“ ფრაქცია სოციალ-დემოკრატიულ პარტიას სრულად შეუერთდა.

    1919-1921 წლებში აგრძელებდა პედაგოგიურ საქმიანობას და მუშაობდა განათლების სამინისტროში. საგანმანათლებლო საქმის შესახებ სტატიებს ფრაქციის გაზეთ "ალიონში" აქვეყნებდა.

    კალენიკე ქავთარაძე, გარდა პოლიტიკისა და პედაგოგიური მოღვაწეობისა, ფართოდ იყო ჩართული ქვეყნის საზოგადოებრივ ცხოვრებაში. 1915 წლიდან იგი გახლდათ „ქართველთა შორის წერა-კითხვის გამავრცელებელი საზოგადოების“ ნამდვილი წევრი და აქტიურად იყო ჩაბმული საზოგადოების მუშაობაში.

   მის შესახებ სხვა ბიოგრაფიული მონაცემები არ იძებნება.

• საქართველოს ეროვნული საბჭო, წევრი (1917-)
• სოციალ-დემოკრატიული პარტიის მენშევიკურ ფრთა, წევრი
• ქართველთა შორის წერა-კითხვის გამავრცელებელი საზოგადოება, საზოგადოების თბილისის განყოფილების მუდმივი წევრი (1917-)
• ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1915-)