გაბრიელ გრიგოლის ძე ღამბარაშვილი

    გაბრიელ ღამბარაშვილი დაიბადა 1878 წლის 24 ივლისს თბილისის გუბერნიის ქალაქ გორში.

    1907 წელს დაამთავრა ბერლინის უნივერსიტეტის სამედიცინო ფაკულტეტი. გახლდათ პროფესორ ა. გუბარევისა და ვ. სნეგირევის მოწაფე.  სტუდენტობის პერიოდში გერმანულ ენაზე გამოაქვეყნა ორი მეცნიერული გამოკვლევა აორტის ანევრიზმისა და ღვიძლის სიდეროზის შესახებ.

    1912 წელს დაიცვა სადოქტორო დისერტაცია თემაზე: „К вопросу о влиянии  экстракта яйчников на сосудистую систему и его отношение к gl. thyreoidea“

    1912-1917 წლებში მოსკოვის უნივერსიტეტში მუშაობდა მეან-გინეკოლოგიის კათედრაზე. გახლდათ ამ კათედრის პრივატ-დოცენტი, 1917-20 წლებში კი ამავე კათედრის პროფესორი. ერთდოულად მუშაობდა მოროზოვის სახელობის სიმსივნეების ინსტიტუტში. მოსკოვში მუშაობის პერიოდში მისი თაოსნობით ქართულ ენაზე იბეჭდებოდა სამედიცინო-საგანმანათლებლო ლიტერატურა.

• საქართველოს მეან-გინეკოლოგთა საზოგადოება, თავმჯდომარე
• ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1911-)

• 1941 - საქართველოს მეცნიერების დამსახურებული მოღვაწე
• 1912 - მედიცინის მეცნიერებათა დოქტორი
• შრომის წითელი დროშის ორდენი
• ლენინის ორდენი

• "მოსკოვის უნივერსიტეტი და ქართველი ახალგაზრდობა" : ირაკლი ტატიშვილი, თამარ დეკანოსიძე. - თბილისი, სახელმწიფო გამომცემლობა "საბჭოთა საქართველო", 1960. - გვ. 119