გერვასი იოსების ძე ჯაოშვილი

  გერვასი ჯაოშვილი დაიბადა 1884 წელს ჭიათურის რაიონის სოფელ ნიგოზეთში. სწავლობდა ქუთაისის სასულიერო სასწავლებელში, ხოლო შემდეგ თბილისის სასულიერო სემინარიაში.

  1910-1913 წლებში სამხედრო სამსახურში იდგა. 1914-1917 წლებში მღვდლად მსახურობდა დმანისის რაიონის დიდი გომარეთის ეკლესიაში.

  1917-1931 წლებში ჯერ სოფელ ავლევის, ხოლო შემდეგ სურამის ეკლესიის მღვდელი იყო. 1931-1955 წლებში იძულებით განმოსილია. 1955 წლიდან გარდაცვალებამდე თბილისის კუკიის წმიდა ნინოს ეკლესიის მოძღვარი გახლდათ. 

  გერვასი ჯაოშვილი გარდაიცვალა 1969 წელს და დაკრძალულია კუკიის სასაფლაოზე.

• ქართველთა შორის წერა-კითხვის გამავრცელებელი საზოგადოება, საზოგადოების ბორჩალოს მაზრის განყოფილების დამფუძნებელი წევრი (1917-)
• ქართველთა შორის წერა-კითხვის გამავრცელებელი საზოგადოება, საზოგადოების თბილისის განყოფილების მუდმივი წევრი (1918-)

• სახლი

  მისამართი:	თბილისი, სამტრედიის ქ. N 10.