შესვლა |
|
|
English Georgian |
დასაწყისიკატეგორიები |
ძიება საძიებელი ქართველთა შორის წერა-კითხვის გამავრცელებელი (ქშწკგ) საზოგადოების ყველა წევრს აერთიანებს, რომლებიც გაწევრიანდნენ ამ საზოგადოებაში მისი დაარსებიდან ლიკვიდაციამდე (1879–1927). ეროვნული ბიბლიოთეკა მოგმართავთ თხოვნით, თქვენი წინაპრების ან ნათესავების ამ ბაზაში აღმოჩენის შემთხვევაში გამოგვიგზავნოთ მათი მონაცემები ბაზაში განსათავსებლად. საკონტაქტო ტელეფონი: 599548291. |
დავით ანდრიას ძე აბდუშელიშვილი
ბიოგრაფიადავით აბდუშელიშვილი დაიბადა 1847 წელს ქუთაისში. დაამთავრა ქუთაისის გიმნაზია და სწავლის გასაგრძელებლად პეტერბურგში გაემგზავრა, სადაც უნივერსიტეტის იურიდიულ ფაკულტეტზე ჩააბარა. სტუდენტობის დროიდან, 1880-იან წლებში, აქტიურად თანამშრომლობდა ჟურნალ „იმედში“, გაზეთ „დროებაში“ და იყო ქუთათური გაზეთის „შრომის“ ორგანიზატორთა ჯგუფში. დავით აბდუშელიშვილი ქართველი რევოლუციონერი ხალხოსნების იდეოლოგიას იზიარებდა. მისი კრიტიკულ-პუბლიცისტური წერილები იბეჭდებოდა ხალხოსანთა ორგანოში „იმედში“ და გაზეთ „დროებაში“. საინტერესოა აბდუშელიშვილის რამდენიმე წერილი, რომელშიც გამოთქმულია როგორც მისი ხალხოსნური შეხედულებანი და ესთეტიკა, ისე დამოკიდებულება მის თანამედროვე პუბლიცისტიკასთან. მას ქვეყნის უდიდეს მტრად „ეკონომიური სიღატაკე და გონებით დაბნელება“ მიაჩნდა, რის აღმოსაფხვრელადაც ცოდნის გავრცელებას, სკოლების დაარსებას და ნასწავლი საზოგადოების სასარგებლო წევრებად აღზრდას მოითხოვდა. აქვეყნებდა წერილებს მაშინდელი განათლების სისტემისა და სასწავლებელთა მდგომარეობაზე, სასამართლოს მდგომარეობასა და ქართველი გლეხობის ეკონომიკურ მდგომარეობაზე. 1880 წლიდან დავით აბდუშელიშვილი გახლდათ "ქართველთა შორის წერა-კითხვის გამავრცელებელი საზოგადოების" ნამდვილი წევრი და აქტიურად მონაწილეობდა საზოგადოების საქმიანობაში. დავით აბდუშელიშვილი გარდაიცვალა 1919 წელს. ორგანიზაციის, ასოციაციის ან ჯგუფის წევრი
ბიბლიოგრაფია
საკონტაქტო ინფორმაცია
|
Biographical Dictionary. version 1.2.2.R1 Copyright © 2010-2012 by David A. Mchedlishvili |