ილარიონ ეგნატეს ძე გერსამია

   ილარიონ გერსამია დაიბადა 1843 წელს ლეჩხუმში, მღვდლის ოჯახში. სწავლობდა ქუთაისის სასულიერო სასწავლებელში, რომლის დასრულების შემდეგ, იმერეთის საეპარქიო კანცელარიაში საქმის მწარმოებლად დაიწყო მუშაობა. წლების განმავლობაში წიგნის მკითხველად და დიაკვნად მსახურობდა.

  1867 წელს იმერეთის ეპისკოპოსმა გაბრიელმა (ქიქოძე) მღვდლად დაასხა ხელი და სვანეთში, მესტიის წმინდა გიორგის სახელობის ეკლესიაში განამწესა.

  1874 წელს ლაილაშის წმინდა გიორგის სახელობის ეკლესიაში გადაიყვანეს, ხოლო 1876 წელს ლაილაშის ოლქის მთავარხუცესად დაინიშნა.

  1880 წელს კამილავკა ეწყალობა.

  1886 წელს სამკერდე ოქროს ჯვარი უბოძეს.

  1888 წელს ქუთაისის წმინდა ალექსანდრე ნეველის სახელობის საკათედრო ტაძარში მღვდელმსახურად დაინიშნა და ამავე წლის აღდგომას ეკლესიაში ერთგული და ნაყოფიერი მოღვაწეობისათვის წმ. ანას III ხარისხის ორდენით დაჯილდოვდა.

  1888 წლის 31 ივლისს მღვდელი ილარიონი თავის სახლში ავაზაკებმა სასიკვდილოთ დაჭრეს და მეორე დღეს გარდაიცვალა.

   მღვდელი ილარიონი გახლდათ წილკნელი ეპისკოპოსის ალექსი გერსამიას მამა

• ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1886-)

• 1888 - წმინდა ანას III ხარისხის ორდენი
• 1886 - სამკერდე ოქროს ჯვარი

• გიორგი მაჩურიშვილი