ნოე მაისეს ძე წეროძე

  ნოე წეროძე დაიბადა 1896 წელს ჩოხატაურის რაიონის სოფელ სამებაში, სასულიერო პირის (დიაკონი) მაისე (მასიკო) წეროძისა და თამარ გაგუას მრავალშვილიან ოჯახში.

   პროფესიით ეკონომისტი ნოე წეროძე, სხვადასხვა დროს მუშაობდა აზერბაიჯანში, ქალაქ ბაქოს სამხედრო კომენდანტად, ნავთობის მწარმოებელ კომპანიაში მთავარ ბუღალტრად და პროფესიულ მასწავლებლად.

   ნოე წეროძე, ძმასთან ერთად, ფლობდა ნავთობის ჭაბურღილს. ასევე იყო მარილის საწარმოს მფლობელი.

   ჰყავდა მეუღლე ნინო მოწყობილი და შვილები: აკაკი და თამარი. 

   1916 წლიდან გახლდათ "ქართველთა შორის წერა-კითხვის გამავრცელებელი საზოგადოების" ოზურგეთის განყოფილების ნამდვილი წევრი და აქტიურად იყო ჩართული საზოგადოების საქმიანობაში. ფლობდა ოთხ ენას: რუსული, აზერბაიჯანული, სომხური და გერმანული.

    ნოე წეროძე გარდაიცვალა 1969 წელს და დაკრძალულია სამტრედიის მუნიციპალიტეტის სოფელ საჯავახოში.

• ქართველთა შორის წერა-კითხვის გამავრცელებელი საზოგადოება, საზოგადოების ოზურგეთის განყოფილების ნამდვილი წევრი (1916-)