The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ქ.შ.წ.კ.გ საზოგადოების წევრები
დასაწყისიკატეგორიები  
ძიება
პიროვნების სახელი:

საძიებელი ქართველთა შორის წერა-კითხვის გამავრცელებელი (ქშწკგ) საზოგადოების ყველა წევრს აერთიანებს, რომლებიც გაწევრიანდნენ ამ საზოგადოებაში მისი დაარსებიდან ლიკვიდაციამდე (1879–1927).

ეროვნული ბიბლიოთეკა მოგმართავთ თხოვნით, თქვენი წინაპრების ან ნათესავების ამ ბაზაში აღმოჩენის შემთხვევაში გამოგვიგზავნოთ მათი მონაცემები ბაზაში განსათავსებლად. საკონტაქტო ტელეფონი: 599548291.



ვასილ ოქროპირის ძე არაბიძე

ვასილ ოქროპირის ძე არაბიძე
დაბადების თარიღი:21 თებერვალი, 1881
გარდაცვ. თარიღი:8 აგვისტო, 1951  (70 წლის ასაკში)
დაკრძალვის ადგილი:მწერალთა და საზოგადო მოღვაწეთა დიდუბის პანთეონი
კატეგორია:მსახიობი, რეპრესირებული

ბიოგრაფია

    ვასილ არაბიძე დაიბადა 1881 წლის 21 თებერვალს ზესტაფონში, ვაჭარი გლეხის ოჯახში.

    სრულიად ახალგაზრდა ჩაება რევოლუციურ საქმიანობაში. 1902 წელს გადაასახლეს, საიდანაც გაიქცა და მოხვდა მოსკოვში. მან აქ შეადგინა ქართველ მებრძოლთა რაზმი, რომელიც აქტიურად იბრძოდა 1905 წლის რევოლუციის ბარიკადებზე. სწორედ ამ პერიოდში ვასილ არაბიძე დაუახლოვდა სახელგანთქმულ რუს მომღერალს თეოდორ შალიაპინს.

    1908 წლიდან ვასილ არაბიძე  მუშაობდა თბილისის, ქუთაისის, სოხუმის, ბათუმის, ჭიათურისა და ბაქოს ქართულ თეატრებში. მისი ამპლუა იყო სახასიათო და დრამატული როლები: მოხუცი მოორი შილერის „ყაჩაღებში“, ჯიბო შალვა დადიანის „გუშინდელნში“, გოგია დიაკვანი დავით ერისთავის „სამშობლოში“, დარისპანი დავით კლდიაშვილის „დარისპანის გასაჭირში“ და სხვა.

    დიდია ვასო არაბიძისა და მისი მეუღლის ცაცა ამირაჯიბის ღვაწლი ქართული თეატრისა და კინოს განვითარებაში. მას 1916 წლიდან იღებდნენ კინოში და  მონაწილეობდა პირველ ქართულ მხატვრულ ფილმში „ქრისტინე“, სადაც მამის საინტერესო სახე შექმნა. მოგვიანებით ითამაშა კინო-ფილმებში: „სურამის ციხე“, „მამის მკვლელი“, „ბელა“, „უკანასკნელი ჯვაროსნები“, „დავით გურამიშვილი“ და სხვა.

    საგანგებოდ აღსანიშნავია არაბიძეების ოჯახის წვლილი ზესტაფონის თეატრალურ ცხოვრებაში. 1937 წელს ვასილ არაბიძე იყო რეპრესირებული.

    ვასილ არაბიძე გარდაიცვალა 1951 წლის 8 აგვისტოს თბილისში და მეუღლესთან ერთად დაკრძალულია მწერალთა და საზოგადო მოღვაწეთა დიდუბის პანთეონში.

ორგანიზაციის, ასოციაციის ან ჯგუფის წევრი

  • ქართველთა შორის წერა-კითხვის გამავრცელებელი საზოგადოება, საზოგადოების სოჩის განყოფილების ნამდვილი წევრი (1915-)

გააზიარე: