აბელ ივანეს ძე ჩეხერია

   აბელ ჩეხერია დაიბადა 1881 წელს სამურზაყანოს მაზრის სოფელ ზემო ცხირში. პირველდაწყებითი განათლება მიიღო გალის ორკლასიან სასწავლებელში და შემდეგ სწავლა გააგრძელა სასულიერო სემინარიაში.

   1917 წელს, კათოლიკოს პატრიარქის ამბროსი ხელაიას ბრძანებით, ყველა ეკლესიასთან უნდა დაარსებულიყო სამრევლო საბჭო. ამავე წლის 12 დეკემბერს გალის საოლქო საბჭოს წევრად არჩეული იქნა მღვდელი აბელ ჩეხერია.

    1912-1921 წლებში იგი ცხირის წმიდა ნიკოლოზ სასწაულმოქმედის ეკლესიის მღვდლად იხსენიება.

    საბჭოთა ხელისუფლების პერიოდში მუშაობდა მასწავლებლად. სახალხო განათლების დარგში მიღწეული თვალსაჩინო წარმატებებისათვის 1961 წელს აფხაზეთის ასსრ სკოლის დამსახურებული პედაგოგის წოდება მიენიჭა. დაჯილდოვებული იყო "საპატიო ნიშნის" ორდენითა და მრავალი მედლით.

   აბელ ჩეხერიას ჰყავდა მეუღლე: ეპრასია სპირიდონის ასული რურუა და შვილები: ალექსანდრა, რაისა, ფაციკო და მექი.

   აბელ ჩეხერია გარდაიცვალა 1975 წლის სექტემბერში და დაკრძალულია სოფელ ცხირის ეკლესიის ეზოში.

• ქართველთა შორის წერა-კითხვის გამავრცელებელი საზოგადოება, საზოგადოების სამურზაყანოს განყოფილების წევრი (1916-)

• 1961 - აფხაზეთის ასსრ სკოლის დამსახურებული პედაგოგი
• "საპატიო ნიშნის" ორდენი

• ოთარ მექის ძე ჩეხერია