დავით იულონის ძე ვარხანია

დაიბადა სოფელ ნაქალაქევში (ცხაკაიას რაიონი). 1924 წელს დაამთავრა თბილისის უნივერსიტეტის სამედიცინო ფაკულტეტი. რენტგენოლოგი. პროფ. მ. ი. ნემიონოვის მოწაფე. ჯანმრთელობის დაცვის ორგანიზატორი. საქართველოს სსრ ჯანდაცვის სახალხო კომიასრიატის სამკურნალო-პროფილაქტიკური დახმარების და კადრების სამმართველოს უფროსი. სენაკის მაზრაში დაარსა პირველი რენტგენის კაბინეტი, მისივე ინიციატივით მოხდა ფიზიოთერაპიული კაბინეტის გახსნა, სოფელ ნაქალაქევში აშენდა და გაიხსნა საავადმყოფო, დაარსდა კურორტი მენჯი. პარტიულობა: სკკპ(ბ) წევრი 1930 წლიდან; პარტიიდან გარიცხეს 1937 წელს დაპატიმრების გამო, ბრალად ედებოდა რომ ეკუთვნოდა მემარჯვენე კონტრრევოლუციურ ორგანიზაციას. სასჯელის ზომა: დახვრეტა, პირადი ქონების კონფისკაცია. სხდომის თარიღი: 01/29/1938, დახვრეტის თარიღი: 01/31/1938