შალვა სერაფიონის ძე ლორთქიფანიძე

დაიბადა სოფელ სალხინოში (ვანის რაიონი). 1927 წელს დაამთავრა თბილისის უნივერსიტეტის სამედიცინო ფაკულტეტი. მედიცინის მეცნიერებათა კანდიდატი, სადისეტაციო შრომა - „მუცლის პარატიფის საკითხისათვის ქ. თბილისის 1935 წლის მასალის მიხედვით“ (1941). სხვადასხვა დროს ს. ჯოყოლოს (თელავის რაიონი) საექიმო პუნქტის გამგე, ხევის უბნის (ყაზბეგის რაიონი) საავადმყოფოს მთავარი ექიმი, აბასთუმანში სანატორიუმ „არაზინდოს“ დირექტორი, კურორტ აბასთუმნის მთავარი ექიმი, თბილისის ქალაქის ჯანდაცვის განყოფილების I კლინიკური  საავადმყოფოს პირველი თერაპიული განყოფილების ორდინატორი, თბილისის სახელმწიფო სამედიცინო ინსტიტუტის ჰოსპიტალური თერაპიის კლინიკის ორდინატორი, ევაკოჰოსპიტალის ორდინატორი, მთავარი ექიმი, თბილისის ექიმთა დახელოვნების სახელმწიფო ინსტიტუტის ტუბერკულოზის კათედრის ასისტენტი, შემდეგ დოცენტი, თბილისის ფტიზიატრთა სამეცნიერო საზოგადოების თავმჯდომარე.