დავით ნესტორის ძე მესხი

დაიბადა ქ. ხაშურში. 1939 წელს დაამთავრა თბილისის სახელმწიფო სამედიცინო ინსტიტუტი. მედიცინის მეცნიერებათა კანდიდატი, სადისერტაციო შრომა - „მწვავე ინფექციები თბილისის ქალაქის I საავადმყოფოს სექციური მასალის მიხედვით და მათი კლინიკური დიაგნოსტიკის სიზუსტე 1923-1946 წლებში“ (1950). სხვადასხვა დროს იყო თბილისის სახელმწიფო სამედიცინო ინსტიტუტის სამკურნალო ფაკულტეტის დეკანის მოადგილე, სასწავლო ნაწილის უფროსი, ინფექციურ სნეულებათა კათედრის ასისტენტი, შემდეგ დოცენტი.