ელენე ერმალოს ასული ნაკაშიძე

დაიბადა ქ. თბილისში.

1930 წელს დაამთავრა თბილისის სახელმწიფო უნივერსიტეტის სამედიცინო ფაკულტეტი.

1950 წლიდან კითხულობდა პათოფსიქოლოგიის კურსს თბილისის სახელმწიფო უნივერსიტეტის ფსიქოლოგიის ფაკულტეტზე და თბილისის ექიმთა დახელოვნების ინსტიტუტის ნევროპათოლოგიის კათედრაზე; 1959 წლიდან იყო საქართველოს სსრ ჯანმრთელობის დაცვის სამინისტროს მ. ასათიანის სახელობის ფსიქიატრიის სამეცნიერო-კვლევითი ინსტიტუტის კლინიკური განყოფილების ხელმძღვანელი; სწავლობდა შიზოფრენიის და ინვოლუციური ფსიქოზის კლინიკის საკითხებს. მიღებული აქვს სახელმწიფო ჯილდოები.  

ცნობილი ფსიქიატრი, აკად. ა. ზურაბაშვილის მოწაფე. მედიცინის მეცნიერებათა დოქტორი, სადისერტაციო შრომა - "ინოვულუციური მელანქოლიის კლინიკურ ფსიქოპათოლოგიურ თავისებურებათა შესახებ" (1958), საკანდიდატო დისერტაცია - "შიზოფრენული ბოდვის თავისებურებისათვის" (1940). პროფესორი (1961), მეცნიერების დამსახურებული მოღვაწე,  სახელმძღვანელოს ავტორი ფსიქიატრიაში ექიმებისა და მედდებისათვის.

• 1966 - საქართველოს მეცნიერებათა დამსახურებული მოღვაწე
• საპატიო ნიშნის ორდენი

• ფსიქიატრიის განმარტებითი ლექსიკონი (თანაავტორი). - თბილისი, საბჭოთა საქართველო, 1977. - 86 გვ.
• ფსიქიატრია : სახელმძღვ. სამედ. სასწ. (თანაავტორი). - თბილისი, ცოდნა, 1961. - 177 გვ.
• ინვოლუციური მელანქოლია : კლინიკ-ფსიქოპათოლოგ. ნარკვევი (ავტორი). - თბილისი, საბჭოთა საქართველო, 1960. - 168 გვ.