ნინო ალექსანდრეს ასული ჩხეიძე

დაიბადა სოფელ დიდ ჯიხაიშში (სამტრედიის რაიონი). თბილისის კბილის საექიმო სკოლისა (1916) და მოსკოვის კბილის საექიმო კურსების აღზრდილი (1917). მედიცინის მეცნიერებათა კანდიდატი, სადისერტაციო შრომა - „მასალები ბორჯომისა და ავჭალის მინის გამბერავი ქარხნის მუშების პირის ღრუს პათოლოგიისა და პროფესიულ დაავადებათა შესწავლისათვის" (1938). დოცენტი. მისი შრომები ეხება პირის ღრუს სანაციისა და მკურნალობის საკითხებს, ავტორია დამხმარე სახელმძღვანელოსი სტომატოლოგიაში.