თეიმურაზ აბულაძე

დაიბადა ქ. თბილისში. 1968 წელს დაამთავრა თბილისის სახელმწიფო სამედიცინო ინსტიტუტი. 1968-1970 წლებში მუშაობდა ლანჩხუთის საავადმყოფოს ქირურგად; 1970-1973 წლებში იყო ექიმთა დახელოვნების ინსტიტუტის ასპირანტი; 1974-1976 წლებში - ექიმთა დახელოვნების ინსტიტუტის აბდომინალური ქირურგიის კათედრის ლაბორანტი, ხოლო 1976-1978 წლებში ამავე ინსტიტუტის ასისტენტი და 1979-1992 წლებში დოცენტი. 1992-1993 წლებში - პროქტოლოგიის კათედრის პროფესორი; 1993 წლიდან პროქტოლოგიის კათედრის გამგე. მედიცინის მეცნიერებათა დოქტორი. ასევე მუშაობდა ექიმთა დიპლომისშემდგომი განათლების სახელმწიფო სამედიცინო აკადემიაში. აქვს 98 სამეცნიერო ნაშრომი, მათ შორის 1 მონოგრაფია და 2 საავტორი. გამოქვეყნებული აქვს მონოგრაფია "მსხვილი ნაწლავის დივერტიკულური დაავადება" (1986). მე–4 კლინიკური საავადმყოფოს პროფტოლოგიური კლინიკის ხელმძღვანელი, პროფესორი. საკანდიდატო დისერტაციის თემა - "მსხვილი ნაწლავის დივერტიკულოზი და მისი გართულებები", დაიცვა 1979 წელს. სადოქტორო დისერტაციის თემა - "აუტოტრანსპლანტანტებისა და ექსპლანტატების გამოყენება ქრონიკული პარაპროქტიის დროს", დაიცვა 1992 წელს.

• სამსახური
  გიდმედი

  მისამართი:	თბილისი, ლუბლიანას 2/6; ფალიაშვილის 85
  ტელეფონი:	(995 32) 2 20 25 15; (995 32) 52 86 44
  ელ.ფოსტა: