ანზორ არველაძე

დაიბადა ქ. თბილისში. 1965 წელს დაამთავრა თბილისის სახელმწიფო სამედიცინო ინსტიტუტი. 1965-1967 წლებში მუშაობდა ბორჯომის რაიონის დაბა ბაკურიანში; 1967-1968 წლებში - თბილისის I საავადმყოფოს რეანიმატოლოგი; 1969-1971 წლებში იყო მოსკოვის სკლიფასოვსკის სახელობის სასწრაფო დახმარების ინსტიტუტის I ქირურგიული კათედრის ასპირანტი; 1971 წლიდან -ექიმთა დახელოვნების ინსტიტუტის I ქირურგიული კათედრის დოცენტი. მედიცინის მეცნიერებათა კანდიდატი. უმაღლესი კატეგორია. აქვს 59 სამეცნიერო ნაშრომი, რომლებიც ეხება წყლულოვან დაავადებებს და 1 მონოგრაფია "ვაგოტომია წყლულოვანი დაავადებების ქირურგიაში", (1975). საკანდიდატო დისერტაციის თემა -"სელექციური ვაგოტომია 12–გოჯა ნაწლავის წყლულოვანი დაავადების დროს",  დაიცვა 1971 წელს.

• საქართველოს ქირურგთა საზოგადოება, წევრი