არჩილ ასათიანი

დაიბდა ქ. თბილისში.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1956 წელს.

1957–1960წწ. იყო ამავე ინსტიტუტის ადამიანის ნორმალური ფიზიოლოგიის კათედრის ასპირანტი; ასპირანტურის   დამთავრებისა და მედიცინის მეცნიერებათა კანდიდატის სამეცნიერო ხარისხის მოპოვების შემდეგ მოღვაწეობდა   ნორმალური ფიზიოლოგიის კათედრაზე ჯერ ასისტენტად, შემდეგ დოცენტად; 1973–1987წწ. იყო თბილისის სახელმწიფო სამედიცინო ინსტიტუტის ნორმალური ფიზიოლოგიის კათედრის პროფესორი; 1987–2004წწ. ამავე კათედრის გამგე; 1975–1985წწ. იყო თბილისის სახელმწიფო სამედიცინო ინსტიტუტის პრორექტორი სამეცნიერო მუშაობის დარგში; 1985–1991წწ.   ამავე ინსტიტუტის რექტორი. ავტორია ასზე მეტი სამეცნიერო ნაშრომის, ასევე ერთი მონოგრაფიისა: "კვებითი მოქმედების   ნეირო–ჰუმორული მექნიზმები".  მისი ხელმძღვანელობით  დაცულია საკანდიდატო და სადოქტორო დისერტაციები. ექიმი–ფიზიოლოგი, მედიცინის მეცნიერებათა დოქტორი.

საკანდიდატო დისერტაციის თემა -"თავის ტვინის ღეროს როლი კუჭის სეკრეციული მოქმედების რეგულაციაში",  დაიცვა    1963 წელს.

სადოქტორო დისერტაციის თემა - "კვებითი მოქმედების ნეირო–ჰუმორული მექანიზმები",  დაიცვა 1972 წელს.   

• საქართველოს მე-5 მოწვევის პარლამენტი, წევრი (1999-2004)
• საქართველოს მეცნიერებათა აკადემია, წევრ-კორესპონდენტი (1979-)
• საქართველოს ფიზიოლოგთა კავშირი, წევრი

• ღირსების ორდენი

• ადამიანის ფიზიოლოგია : სახელმძღვანელო უმაღლესი სამედიცინო სასავლებლის. სტუდენტებისთვის (შემდგენელი). - თბილისი, 2008. - 444 გვ.. - ISBN: 978-9941-0-0524-4
• სამედიცინო ფიზიკა და ბიოფიზიკა (თანაავტორი). - თბილისი, 2007. - 197 გვ.. - ISBN: 99928-63-88-9
• სამედიცინო და ბიოლოგიური ფიზიკა : სახელმძღვანელო. ნაწ.2 (რედაქტორი). - თბილისი, 2002. - 203 გვ.
• სამედიცინო და ბიოლოგიური ფიზიკა : სახელმძღვანელო. ნაწ.1 (რედაქტორი). - თბილისი, 2002. - 165 გვ.