დავით გამყრელიძე

დაბადების ადგილი: ქ. თბილისი.

დაამთვრა თბილისის სახელმწიფო სამედიცინო ინსტიტუტის პედიატრიის ფაკულტეტი 1988 წელს.

1985-1989წწ. მუშაობდა რესპუბლიკურ ბავშვთა საავადმყოფოს ახალშობილთა ინტენსიური თერაპიის და რეანიმაციის განყოფილებაში, ბავშვთა მე–5 კლინიკურ საავადმყოფოში; 1989-1990წწ. დედოფლისწყაროს რაიონის სოფელ არხილოსკალოს ბავშვთა ნეფროლოგიური სანატორიუმის "არხილოსკალოს" ექიმი–ნეფროლოგი; 1988 წლიდან ჩაერთო ეროვნულ მოძრაობაში. მეგობრებთან ერთად დააფუძნა ქრისტიანულ-დემოკრატიულ ასოციაცია, რომელიც შემდგომ ქრისტიანულ-დემოკრატიულ კავშირად ჩამოყალიბდა; 1990 წლიდან დაიწყო ბიზნეს-საქმიანობა; 1991-1999წწ. შპს სადაზღვევო კომპანია "ალდაგის" დირექტორი, ფინანსური დირექტორი, პრეზიდენტი, სამეთვალყურეო საბჭოს თავმჯდომარე; 2000 წელს თანამოაზრე ლევან გაჩეჩილაძესთან ერთად შექმნა "ახალი ფრაქცია"; 2001 წლის 15 ივნისს "ახალი ფრაქციის", "ახალი მოძრაობისა" და "ნეოკონსერვატორების" ბაზაზე შეიქმნა პოლიტიკური გაერთიანება "ახალი მემარჯვენეები"; 2008 წლის საპრეზიდენტო არჩევნებში წარდგენელი იყო ერთ-ერთ კანდიდატად. მან ამომრჩეველთა ხმების 4.02 % მოაგროვა. იმავე წლის საპარლამენტო არჩევნებში გაიმარჯვა ვაკის მაჟორიტარულ ოლქში, მაგრამ არჩევნების გაყალბების პროტესტის ნიშნად უარი თქვა პარლამენტის წევრობაზე. 2012 წლის საპარლამენტო არჩევნებში დამარცხების შემდეგ დავით გამყრელიძემ პოლიტიკიდან წასვლის შესახებ განაცხადა.

• არასამთავრობო ორგანიზაცია "საქართველო ნატოში", თავმჯდომარე
• პოლიტიკური პარტია "ახალი მემარჯვენეები", თავმჯდომარე (2001-2012)
• საქართველოს მე-5 მოწვევის პარლამენტი, წევრი (1999-2004)
• საქართველოს მე-5 მოწვევის პარლამენტის ჯანდაცვისა და სოციალურ საკითხთა კომიტეტი, თავმჯდომარე (1999-2000)
• საქართველოს მე-6 მოწვევის პარლამენტი, წევრი (2004-2008)
• საქართველოს მე-6 მოწვევის პარლამენტის ფრაქცია "მემარჯვენე ოპოზიცია", თავმჯდომარე (2004-2008)
• ქალაქ თბილისის საკრებულო, წევრი (1998-)