ქეთევან გელოვანი

დაამთავრა თბილისის სახელმწიფო სამედიცინო ინსტიტუტი 1948 წელს.

1950–1953წწ. იყო თბილისის სახელმწიფო სამედიცინო ინსტიტუტის საფაკულტეტო თერაპიის კათედრის კლინიკური ორდინატორი; 1956–1967წწ. ექიმთა დახელოვნების თბილისის სახელმწიფო ინსტიტუტის სამკურნალო ფიზკულტურის და საექიმო კონტროლის კათედრის უფროსი ლაბორანტი; 1967–1969წწ. კარდიოლოგიის სამეცნიერო კვლევითი ინსტიტუტის ექიმი–ორდინატორი; 1969–1973წწ. რეაბილიტაციის განყოფილების უმცროსი მეცნიერ–თანამშრომელი; 1974–1978წწ. არტერიული ჰიპერტონიის განყოფილების უმცროსი მეცნიერ–თანამშრომელი; 1974–1994წწ. უფროსი მეცნიერ–თანამშრომელი. ავტორია 38 სამეცნიერო ნაშრომის. სამეცნიერო–პრაქტიკულ ხელმძღვანელობას უწევდა კარდიოლოგიის სამეცნიერო კვლევითი ინსტიტუტის არტერიული ჰიპერტონიის განყოფილების ექიმი–ორდინატორებისა და უმცროსი მეცნიერ–თანამშრომლების მუშაობას. მის მიერ დადასტურებულია, რომ თირკმლის ანომალია per se შეიძლება იყოს არტერიული ჰიპერტონიის განვითარების მიზეზი. ექიმი–კარდიოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "არტერიული ჰიპერტონია თირკმლის განვითარების ანომალიის დროს", დაიცვა 1972 წელს.

• საქართველოს თერაპევტთა სამეცნიერო საზოგადოება
• საქართველოს კარდიოლოგთა საზოგადოება

• საპატიო სიგელი