ლევან დვალი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1949 წელს.

1951-1952წწ. იყო მოსკოვის I სახელმწიფო სამედიცინო ინსტიტუტის ფაკულტატური ქირურგიული კათედრის თანამშრომელი; 1952-1956წწ. მუშაობდა მოსკოვის II, ხოლო 1957-1958წწ. მოსკოვის I კლინიკური საავადმყოფოს ქირურგიულ განყოფილებაში; 1958-1961წწ. იყო საქართველოს ექსპერიმენტული და კლინიკური ქირურგიის კვლევითი ინსტიტუტის უფროსი მეცნიერ–მუშაკი; 1961-1967წწ. თბილისის სახელმწიფო სამედიცინო ინსტიტუტის ჰოსპიტალური ქირურგიის კათედრის დოცენტი; 1967-1983წწ. ზოგადი ქირურგიული კათედრის პროფესორი; 1970 წლიდან იყო თბილისის მთავარი ქირურგი და აქტიურ მონაწილეობას იღებდა თბილისის ქირურგთა საზოგადოების მუშაობაში; მისი სამეცნიერო შრომები ეხება ქირურგიის აქტუალურ საკითხებს; არის მრავალი სამეცნიერო შრომის, მათ შორის 5 მონოგრაფიის ავტორი; ქირურგი, მედიცინის მეცნიერებათა დოქტორი(1964), პროფესორი(1967).

• მუცლის წინა კედლის დიდი ვენტრალური თიაქრების ალოპლასტიკური მასალით (ნეილონის ბადით) მკურნალობის საკითხისათვის : კლინიკ-ექსპერიმ. ნარკვევი (თანაავტორი). - თბილისი, საბჭოთა საქართველო, 1960. - 33 გვ.