ნათელა თურქია

დაბადების ადგილი: ქ. სოხუმი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1953 წელს.

1954–1955წწ. იყო გროზნოს ოლქის ქ. გუდერმესის რაისაავადმყოფოს მეან–გინეკოლოგი; 1958–1959წწ. საქ. სოც. უზრუნველყოფის სამინისტროს სამკურნალო ექსპერტიზისა და პროტეზირების ექიმი–ინსპექტორი; 1959–1968წწ. ჯანდაცვის სამინისტროს ონკოლოგიის სამეცნიერო კვლევითი ინსტიტუტის ექსპერიმენტული კიბოს ლაბორატორიის მეცნიერ–თანამშრომელი; 1968–1969წწ. ამავე ინსტიტუტის ექსპერიმენტული ქიმიოთერაპიის ლაბორატორიის ხელმძღვანელი; 1969–1977წწ. ექსპერიმენტული კიბოს ლაბორატორიის ხელმძღვანელი; 1977 წლიდან ხელმძღვანელობდა ონკოლოგიის სამეცნიერო ცენტრის ქიმიური კანცეროგენეზის ლაბორატორიას. 1994 წლიდან – შეთავსებით ჰემობლასტოზების განყოფილების უფროსი მეცნიერ–თანამშრომელი. ავტორია 116 სამეცნიერო ნაშრომის და 51 საავტორო მოწმობის. ეწეოდა პედაგოგიურ მოღვაწეობას. ონკოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "ოვარიალური ციკლის ჰორმონების გავლენა სარძევე ჯირკვლის კიბოს ინდუქცირებაზე",  დაიცვა 1967 წელს.

• ონკოლოგთა საზოგადოება, წევრი
• ონკოცენტრის სამეცნიერო საბჭო, წევრი
• ონკოცენტრის სარედაქციო კოლეგია, წევრი, მთავარი რედაქტორის მოადგილე
• საკავშირო სამედიცინო აკადემიასთან არსებული "კანცეროგენეზის" საპრობლემო კომისია, წევრი (1975-1990)
• საკოორდინაციო საბჭო, წევრი