ელენე კაციტაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1969 წელს.

1968–1972წწ. იყო თბილისის სახელმწიფო სამედიცინო ინსტიტუტის ბავშვთა შიდა სნეულებათა კათედრის ასპირანტი; 1972 წლიდან თბილისის სახელმწიფო სამედიცინო ინსტიტუტის კურორტოლოგიის და ფიზიოთერაპიის კათედრის ასისტენტი. ავტორია 38 სამეცნიერო ნაშრომის, რომლებიც ეხება სხვადასხვა დაავადების მკურნალობას ფიზიო–ბალნეო ფაქტორებით. ფიზიოთერაპევტი, მედიცინის მეცნიერებათა კანდიდატი.

საკანდიდატო დისერტაციის თემა - "კლინიკური, ბიოქიმიური და მორფოლოგიური ცვლილებები ექსუდაციური დიათეზით გართულებული პნევმონიის დროს ნაადრევი ასაკის ბავშვებში", დაიცვა 1972 წელს.