დიმიტრი კორძაია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1981 წელს.

1981–1982წწ. იყო რესპუბლიკის ც/ს საავადმყოფოს I ქირურგიული განყოფილების ექიმი–ინტერნი; 1983–1991წწ. თბილისის სახელმწიფო სამედიცინო ინსტიტუტის ოპერაციული ქირურგიისა და ტოპოგრაფიული ანატომიის კათედრის ასისტენტი; 1992–1996წწ. დოცენტი, პროფესორი; 1988–1991წწ. კლინიკური და ექსპერიმენტული ქირურგიის ინსტიტუტის უმცროსი მეცნიერ–თანამშრომელი. 1991 წლიდან უფროსი მეცნიერ–თანამშრომელი; 1992 წლიდან კლინიკური და ტრადიციული მედიცინის აკადემიის(ჩინური მედიცინის ინსტიტუტის) რექტორი. ავტორია 130-ზე მეტი სამეცნიერო ნაშრომის, 8 რაციონალიზატორული წინადადების; მისი სახელი უკავშირდება საქართველიში "ინტეგრაციული მედიცინის" დანერგვას, უმაღლესი სამედიცინო განათლების ქართულენოვანი სახელმძღვანელოების შექმნას. 

მედიცინის მეცნიერებათა დოქტორი, პროფესორი. თსუ მედიცინის ფაკულტეტის დეკანის მოადგილე, ადამიანის ანატომიის, ტოპოგრაფიული ანატომიის და ოპერაციული ქირურგიის დეპარტამენტის ხელმძღვანელი, მედიცინის ფაკულტეტის დოქტორანტურის პროგრამის თანახელმძღვანელი. თსუ ალ. ნათიშვილის  მორფოლოგიის ინსტიტუტის მთავარი მეცნიერ-თანამშრომელი. პალიატიური მზრუნველობის საქართველოს ეროვნული ასოციაციის გამგეობის თავმჯდომარე, ქირურგთა საერთაშორისო კოლეჯის, ევროპის ქირურგთა საზოგადოების წევრი. 

საკანდიდატო დისერტაციის თემა - "ღვიძლშიდა ნაღვლის კალაპოტის თავისებურებანი ნორმულად და ნაღვლის საერთო სადინარის ოკლუზიის პირობებში", დაიცვა 1987 წელს.

სადოქტორო დისერტაციის თემა - "ნაღვლის გზების პლასტიკურობა, ნაღვლის შეგუბების მკურნალობის ტაქტიკისა და ოპერაციული ქირურგიის თავისებურებათა დაფუძნება".

• ევროპის ქირურგთა ასოციაცია, წევრი
• იაპონიის ქირურგთა საზოგადოება, წევრი
• საქართველოს ტრანსპლანტოლოგთა და აკუპუნქტურისტთა ასოციაცია, წევრი
• საქართველოს ქირურგთა ასოციაცია, წევრი
• ქირურგ–ჰემატოლოგთა საერთაშორისო ასოციაცია, წევრი

• ღირსების ორდენი

• ჩვენც, ექიმები საქართველოსი : თბილ. სახელმწ. სამედ. უნ-ტის კურსდამთავრებულთა ლექსებისა და თარგმანების კრებული : ეძღვნება უნ-ტის 80 წლის იუბილეს (თანაავტორი). - თბილისი, შპს "პოლიგრაფ+", 2010. - 100 გვ. - ISBN: 978-9941-0-2715-4
• ვინ ვინაა თანამედროვე ქართულ სამედიცინო მეცნიერებაში, 2000 : თანამედროვე ქართველ მედიკოსთა ბიოგრაფიული ენციკლოპედია (რედაქტორი). - თბილისი, ქართული ბიოგრაფიული ცენტრი, 2000. - 394 გვ.