გიორგი მაღალაშვილი

დაბადების ადგილი: ქ. თბილისი.

დაამთავრა თბილისის რეალური სასწავლებელი 1921 წელს, შემდეგ თბილისის გერმანული გიმნაზია. 1922 წელს ჩაირიცხა თბილისის უნივერსიტეტში სამედიცინო ფაკულტეტზე; სწავლა განაგრძო ტუბინგენის და მიუნხენის უნივერსიტეტებში.

1928 წელს მიუნხენის უნივერსიტეტში დაიცვა სადოქტორო დისერტაცია. დამოუკიდებელი სამედიცინო საქმიანობა დაიწყო ფალკენშტეინში, სადაც დასახლდა კიდეც. ექიმობის გარდა ეწეოდა ლიტერატურულ საქმიანობას: მისი პუბლიკაციებიდან აღსანიშნავია 1953 წელს ინგლისურ და გერმანულ ენებზე გამოქვეყნებული  "სომეხ-ქართველთა ურთიერთობის ისტორიიდან" და 1954 წელს დაწერილი ნაშრომი – "კავკასიის ისტორიისათვის ჯვაროსანთა ომის დროიდან"; საბჭოთა კავშირთან ომის დროს ზრუნავდა გერმანიაში მოხვედრილ ქართველ ტყვეებზე, ბევრი მათგანი მისი ძალისხმევით განთავისუფლდა საკონცენტრაციო ბანაკიდან. გიორგი მაღალაშვილი ომის შემდეგ იყო დასავლეთ გერმანიაში მცხოვრებ ქართველთა სათვისტომოს გამგეობის თავმჯდომარე. საზოგადო მოღვაწე.