გიორგი მელაძე

დაბადების ადგილი: ქ. ზესტაფონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1951 წელს და ხარკოვის სამედიცინო ინსტიტუტის სამხედრო–სამედიცინო ფაკულტეტი 1952 წელს.

1952–1958წწ. იყო საბჭოთა არმიის სამხედრო ექიმი; 1958–1964წწ. თბილისის ტუბერკულოზის საწინააღმდეგო №1 კლინიკური საავადმყოფოს ქირურგიული განყოფილების გამგე; 1965–1976წწ. აფხაზეთის ფილტვის ქირურგიის ცენტრის ხელმძღვანელი, 1976–1997წწ. თბილისის აკად. კ. ერისთავის სახელობის ექსპერიმენტული და კლინიკური ქირურგიის სამეცნიერო–კვლევითი ინსტიტუტის თორაკალაური განყოფილების ხელმძღვანელი. ავტორია 89 სამეცნიერო ნასრომისა, რომლებიც ეხება ფილტვის ტუბერკულოზსა და ჩირქოვანი პროცესების ქირურგიულ მკურნალობას. მისი ხელმძღვანელობით დაცულია 2 სადოქტორო და 5 საკანდიდატო დისერტაცია. თორაკალური ქირურგი, მედიცინის მეცნიერებათა დოქტორი, მეცნიერ–კონსულტანტი, პროფესორი.

საკანდიდატო დისერტაციის თემა - "ფილტვის ეკონომიური რეზექციის უახლოესი და შორეული შედეგები ტუბერკულოზის დროს", დაიცვა 1964 წელს.

სადოქტორო დისერტაციის თემა - "ფილტვის რეზექცია  გავრცელებული ტუბერკულოზის დროს", დაიცვა 1971 წელს.

• თბილისის აკად. გ. მუხაძის სახელობის ქირურგთა ასოციაცია, წევრი
• საქართველოს ფტიზიატრთა საზოგადოება, წევრი

• 1989 - შრომის ვეტერანის მედალი
• 1976 - მედალი "შრომითი მამაცობისთვის"

• ფილტვის ტუბერკულოზით დაავადებულთა ქირურგიული მკურნალობის ზოგიერთი აქტუალური საკითხი (თანაავტორი). - თბილისი, საბჭოთა საქართველო, 1984. - 124 გვ.
• ფილტვების რეზექცია ტუბერკულოზის დროს (თანაავტორი). - თბილისი, საბჭოთა საქართველო, 1969. - 146 გვ.