ვასილ ფირანის ძე ოთხმეზური

დაიბადა სოფელ დვაბზუში (მახარაძის რაიონი). 1924 წელს დაამთავრა თბილისის სახელმწიფო უნივერსიტეტის სამედიცინო ფაკულტეტი. პროფ. ა. მაჭავარიანის მოწაფე, საქართველოს სსრ დამსახურებული ექიმი, მედიცინის მეცნიერებთა კანდიდატი, სადისერტაციო შრომა - ”ნაწლავთა ინერვაციის საკითხისათვის მოზრდილებში” (1937). სხვადასხვა დროს იყო აჭარის ასსრ მთავარი ქირურგი, თბილისის სახელმწიფო სამედიცინო ინსტიტუტის საფაკულტეტო ქირურგიის კათედრის დოცენტი, ექიმთა დახელოვნების თბილისის სახელმწიფო ინსტიტუტის ქირურგიის II კათედრის დოცენტი, საქართველოს სსრ ჯანმრთელობის დაცვის სამინისტროს ორთიპედიისა და ტრავმატოლოგიის სამეცნიერო-კვლევითი ინსტიტუტის განყოფილების გამგე.