არდევან ვალერიანის ძე ახვლედიანი

დაიბადა დაბა ცაგერში. 1924 წელს დაამთავრა თბილისის უნივერსიტეტის სამედიცინო ფაკულტეტი. ცნობილი მეან-გინეკოლოგი. პროფ. ი. თიკანაძის მოწაფე. მედიცინის მეცნიერებათა დოქტორი, სადისერტაციო შრომა - ”ჰორმონალური სტერილიზაცია” (1936), საკანდიდატო დისერტაცია - ”ჩიყვი და კრეტინიზმი” (1935). მუშაობდა სვანეთში, სადაც შეისწავლა ენდემური ჩიყვი. გამოიკვლია საქართველოში ამ დაავადების გავრცელების მიზეზები. შეისწავლა სოფელ მუაშის მინერალური წყლების სამკურნალო თვისებები, რამაც განაპირობა მუაშის კურორტად აღიარება. 1939-1942 წლებში იყო თბილისის სახელმწიფო სამედიცინო ინსტიტუტის მეანობა-გინეკოლოგიის კათედრის პროფესორი. ქართულ ენაზე პირველი მეანობისა და გინეკოლოგიის სახელმძღვანელოს ავტორი.

• ჰორმონალური სტერილიზაცია : ექსპერიმენტული და მიკრომორფოლოგიური ნარკვევი 35 მიკროფოტოგრაფიული სურათით (ავტორი). - თბილისი, კომუნისტი-ს სტ., 1935. - 183 გვ.
• ჩიყვი და კრეტინიზმი : სტატისტიკური, ეთიოლოგიური, კლინიკური და ანთროპომეტრული მონოგრაფია (ავტორი). - თბილისი, სახელგამის სამეცნ. ლიტ. სექტორის 1-ლი სტ., 1934. - 249 გვ.