გიორგი სიმონის ძე ინასარიძე

დაიბადა სოფელ ზემო-კრიხში (ამბროლაურის რაიონი). 1928 წელს დაამთავრა თბილისის სახელმწიფო უნივერსიტეტის სამედიცინო ფაკულტეტი. მედიცინის მეცნიერებათა კანდიდატი, სადისერტაციო შრომა - ”კლინიკური სურათის და სისხლში იოდის ბრუნვის ურთიერთშორის დამოკიდებულება ჩიყვიან ავადმყოფთა შორის დიათერმიის და იონიზაციის პროცედურების ჩატარების დროს” (1940). დოცენტი, შექმნა სისხლის წვეთოვანი გადასხმის ახალი აპარატი, ხელსაწყო უცხო სხეულების აღმოსაჩენად და ამოსაღებად, დაამუშავა რეზინის ხელთათმანების ცივი სტერილიზაციის მეთოდი.