მიხეილ ივანეს ძე კოკოჩაშვილი

დაიბადა ქ. ქუთაისში.

1924 წელს დაამთავრა თბილისის უნივერსიტეტის სამედიცინო ფაკულტეტი.

აკად. გრ. მუხაძის მოწაფე. მედიცინის მეცნიერებათა დოქტორი, სადისერტაციო შრომა - ”ავერტინი, როგორც ნარკოზული ნივთიერება” (1935). პროფესორი (1936), მეცნიერების დამსახურებული მოღვაწე. 1932 წლიდან გარდაცვალებამდე თბილისის სახელმწიფო სამედიცინო ინსტიტუტის ბავშვთა ქირურგიის და ორთოპედიის კათედრის გამგე, ბავშვთა ქირურგიის ერთ-ერთი ფუძემდებელი საქართველოში, პირველი ქართული სახელმძღვანელოს ავტორი ბავშვთა ქირურგიაში. მ. კოკოჩაშვილი იკვლევდა ბაშვთა ასაკის ქირურგიას, ტრავმატიზმს, უროლოგიური და ორთოპედიული დაავადებების საკითხებს, განსაკუთრებით კი, მენჯ-ბარძაყის სახსარში თანდაყოლილი ამოვარდნილობისა და ბავშვთა ძვალ- სახსრის ტუბერკულიოზის დიაგნოსტიკასა და მკურნალობას. ქართულ ენაზე შეადგინა ბავშვთა ქირურგიის პირველი სახელმძღვანელო.