ვლადიმერ ილიას ძე კოტეტიშვილი

დაიბადა სოფელ დიდ თონეთში (თეთრიწყაროს რაიონი). 1921 წელს დაამთავრა ხარკოვის უნივერსიტეტის სამედიცინო ფაკულტეტი. 1922-24 წლებში მუშაობდა სოფლის ექიმად თელავის რაიონში, 1924-32 წლებში – თბილისის ფსიქიატრიულ საავადმყოფოში, 1932-40 წლებში კი – სანიტარიისა და ჰიგიენის სამეცნიერო-კვლევით ინსტიტუტში უფროს მეცნიერ თანამშრომლად. გამოჩენილი ქართული მედიცინის ისტორიკოსი. გამოსცა ქართული სამედიცინო ტრაქტატები - უსწორო კარაბადინი (XI ს.), წიგნი სააქიმოი (XIII ს.), იადიგარ დაუდი (XVI ს.) და დაურთო მათ დასაბუთებული გამოკვლევები და განმარტებანი. მან დაწერა - ”საექიმო იდეები ვეფხისტყაოსანში” (1937). ”მედიცინა ძველ საქართველოში XVIII ს. ბოლოს და XIX ს. დასაწყისში (გარდამავალ პერიოდში)”. ქართული მედიცინის ისტორიის მეცნიერული შეაწავლის ფუძემდებელი, ლიტერატორი, ხელოვანი.

• საექიმო იდეები ვეფხისტყაოსანში (ავტორი). - 1937