გიორგი ვლადიმერის ძე მესტიაშვილი

დაიბადა სოფელ მაღაროში (სიღნაღის რაიონი).

1924 წელს დაამთავრა თბილისის უნივერსიტეტის სამედიცინო ფაკულტეტი.

1938-1968წწ. თბილისის ექიმთა დახელოვნების ინსტიტუტის ტუბერკულოზის კათედრის გამგე; 1943 წელს მისი თაოსნობით გაიხსნა ტუბერკულოზის საწინააღმდეგო პირველი კლინიკური საავადმყოფო, რომლის მთავარი ექიმი თვითონ იყო (1950 წლამდე); შეისწავლიდა ფილტვის კავერნის ადრეულ დიაგნოსტიკასა და მკურნალობას; ტუბერკულოზისა და მალარიის ურთიერთგავლენას; ფილტვის ტუბერკულოზის მკურნალობას ხელოვნური პნევმოთორაქსით; პირველად საქართველოში შეისწავლა ტუბერკულოზის მიკრობაქტერიების წამლების მიმართ რეზისტენტობის ბიოლოგიური თვისებები; ტუბერკულოზური პროცესის ადრეული გამოვლინებანი; შემოიღო "მანტუს გრადუირებული სინჯის" მეთოდი და სხვა; შეადგინა სახელმძღვანელო "ტუბერკულოზი" (1949);  მეცნიერული და პრაქტიკული ფთიზიატრიის ერთ-რთი ფუძემდებელი; მედიცინის მეცნიერებათა დოქტორი (1940), პროფესორი (1940).  

გამოჩენილი ფტიზიატრი, პროფ. ი. აბაკელიას მოწაფე, მედიცინის მეცნიერებათა დოქტორი, სადისერტაციო შრომა - "ტუბერკულოზის და მალარიის ურთიერთგავლენა კლინიკური და სექციური მასალის საფუძველზე" (1941), საკანდიდატო დისერტაცია - "ფილტვის ადრეული კავერნები" (1936). მეცნიერების დამსახურებული მოღვაწე, ექიმთა დახელოვნების თბილისის სახელმწიფო ინსტიტუტის ტუბერკულოზის კათედრის გამგე, ფთიზიატრთა რესპუბლიკური სამეცნიერო საზოგადოების ერთ-ერთი დამაარსებელი და მისი პირველი თავმჯდომარე, ავტორი პირველი ქართული სახელმძღვანელოსი ტუბერკულოზის შესახებ.

• საქართველოს ფთიზიატრთა სამეცნიერო საზოგადოება, დამაარსებელი (1949-)

• 1961 - საქართველოს მეცნიერებათა დამსახურებული მოღვაწე

• ტუბერკულოზი (ავტორი). - თბილისი, საბჭოთა საქართველო, 1959. - 451 გვ.
• ტუბერკულოზის მკურნალობა სტრეპტომიცინით (ავტორი). - თბილისი, საქმედგამი, 1950. - 55 გვ.
• ჭლექი (ავტორი). - თბილისი, საქმედგამი, 1949. - 28 გვ.
• ტუბერკულოზი : სახელმძღვანელო სტუდენტთა და ექიმთათვის (ავტორი). - თბილისი, საქმედგამი, 1948. - 552 გვ.
• ფილტვის ადრეული კავერნები : კლინიკური და რენტგენოლოგიური გამოკვლევანი (ავტორი). - ტფილისი, ტუბ-ინსტიტუტი, 1936. - 33 გვ.
• ფილტვის ტუბერკულიოზის ხელოვნური პნევმოთორაქსით მკურნალობა : მოკლე სახელმძღვანელო ექიმთა და სტუდენტთათვის (ავტორი). - ტფილისი, სახელგამის სასწ. პედ. სექტორის გა-მა, 1934. - 71 გვ.