ალექსანდრე სერგის ძე აბულაძე

დაიბადა სოფელ ჩხარში (თერჯოლის რაიონი). თბილისის სახელმწიფო უნივერსიტეტის ფარმაკოქიმიური ფაკულტეტისა (1927) და თბილისის სახელმწიფო სამედიცინო ინსტიტუტის აღზრდილი (დაამთავრა 1931 წელს). მედიცინის მეცნიერებათა დოქტორი, სადისერტაციო შრომა - "ჰირუდინიზაციის მოქმედების მექანიზმი" (1939), საკანდიდატო დისერტაცია - "გლუკოზისა და მარილის მოქმედება კუნთის მუშაობაზე წყლის ცვლასთან დაკავშირებით" (1936). ცნობილი ბიოქიმიკოსი, მეცნიერების დამსახურებული მოღვაწე, პროფესორი. სხვადასხვა დროს იყო სტომატოლოგიური ინსტიტუტის ბიოლოგიური ქიმიის კათედრის გამგე, თბილისის სახელმწიფო სამედიცინო ინსტიტუტის ბიოლოგიური ქიმიის კათედრის პროფესორი, საქართველოს სსრ ჯანმრთელობის დაცვის სამინისტროს კურორტოლოგიისა და ფიზიოთერაპიის სამეცნიერო-კვლევითი ინსტიტუტის ბიოქიმიური განყოფილების ხელმძღვანელი.