ვასილ სოფრომის ძე ვარაზი

დაიბადა ქ. თბილისში. 1918 წელს დაამთავრა ხარკოვის უნივერსიტეტის სამედიცინო ფაკულტეტი. ცნობილი ბიოქიმიკოსი, პათოფიზიოლოგი, მედიცინის დოქტორი, სადისერტაციო შრომა - "მღვრიე შესიება ღვიძლის მარაგ ცილის მოძღვრებასთან დაკავშირებით" (1925). პროფესორი, მეცნიერების დამსახურებული მოღვაწე (1944). თბილისის სახელმწიფო სამედიცინო ინსტიტუტის ბიოქიმიის კათედრის გამგე. მისი შრომები ეხება კლინიკური ბიოქიმიის, კვების ბიოქიმიის, ნახშირწყლებისა და აზოტოვანი ცვლის საკითხებს. იკვლევდა მიკროელემენტების მნიშვნელობას ფარისებრი ჯირკვლის პათოლოგიაში, ასაკობრივი და კვების ბიოქიმიის საკითხებს; დაამუშავა ფსიქონევროზისა და ეპილეფსიის ბიოქიმიური და მალარიის პათოფიზიოლოგიის მნიშვნელოვანი საკითხები. დაადგინა, რომ ქოლერით დაავადებისას სიკვდილს იწვევს ორგანიზმში ელექტროლიტებისა და წყლის ურთიერთშეფარდების დარღვევა. 

• ლენინის ორდენი