გრიგოლ პეტრეს ძე პაპასქუა

დაიბადა სოფელ ბარღებში (გალის რაიონი). 1936 წელს დაამთავრა მოსკოვის მე-2 სამედიცინო ინსტიტუტი. საქართველოს სსრ და აფხაზეთის ასსრ დამსახურებული ექიმი, მედიცინის მეცნიერებათა კანდიდატი, სადისერტაციო შრომა - „Клинико-эпидемиологическая характеристика и эффективность лечения бактериальной дизентерии биомицином и террамицином при внутримышечном введении“ (1960). სხვადასხვა დროს მუშაობდა აფხაზეთის ასსრ ჯანმრთელობის დაცვის სახალხო კომისრის მოადგილედ, კომისრად, შემდეგ კი მინისტრად, კრემლის სამკურნალო-სანიტარული სამმართველოს მე-2 პოლიკლინიკის დირექტორის მოადგილედ, სსრ კავშირის ჯანმრთელობის დაცვის სამინისტროს წყალთა ტრანსპორტის სამკურნალო-სანიტარულ დაწესებულებათა მთავარი სამმართველოს უფროსის მოადგილედ. საქართველოს სსრ ჯანმრთელობის დაცვის მინისტრის მოადგილედ, აფხაზეთის ასსრ ჯანმრთელობის დაცვის სამინისტროს მთავარ ეპიდემიოლოგად, აფხაზეთის პროფკავშირთა კურორტების მართვის საოლქო საბჭოს თავმჯდომარედ.