მიხეილ ერმალოზის ძე პაპიტაშვილი

დაიბადა ქ. გორში. 1921 წელს დაამთავრა ტომსკის უნივერსიტეტის სამედიცინო ფაკულტეტი. ცნობილი მეან-გინეკოლოგი. პროფ. გ. ღამბარაშვილის მოწაფე. მედიცინის მეცნიერებათა დოქტორი, სადისერტაციო შრომა - "ინფანტილური საკვერცხეების ფუნქცია და მათი კავშირი შიდა სეკრეციის ზოგიერთ ორგანოებთან" (1940), საკანდიდატო დისერტაცია - "გოგირდმჟავა მაგნეზიუმით ეკლამფსიის მკურნალობის საკითხისათვის" (1937). პროფესორი, მეცნიერების დამსახურებული მოღვაწე. სხვადასხვა დროს თბილისის სახელმწიფო სამედიცინო ინსტიტუტის მეანობა-გინეკოლოგიის კათედრის პროფესორი, ქ. ორჯონიკიძის სამედიცინო ინსტიტუტის მეანობა-გინეკოლოგიის კათედრის გამგე, საქართველოდ სსრ ჯანმრთელობის დაცვის სამინისტროს მეანობა-გინეკოლოგიის სამეცნიერო-კვლევითი ინსტიტუტის ოპერაციული გინეკოლოგიის განყოფილების ხელმძღვანელი.