ანასტასია ბესარიონის ასული სოლომონია

დაიბადა სოფელ ნოსირში (ცხაკაიას რაიონი). 1934 წელს დაამთავრა თბილისის სახელმწიფო სამედიცინო ინსტიტუტი. საქართველოს სსრ დამსახურებული ექიმი. სხვადასხვა დროს მუშაობდა თეთრი წყაროს რაიონის სოფელ კათლის საექიმო პუნქტში, მანგლისის საავადმყოფოში, სამამულო ომის დროს - სამხედრო ჰოსპიტალში, დემობილიზაციის შემდეგ თბილისის ქალაქის ჯანდაცვის განყოფილების მე-15 ქალთა კონსულტაციის გამგედ, ხოლო შემდეგ მე-3 სამშობიარო სახლის გინეკოლოგიური განყოფილების გამგედ.