ივანე ხარებას ძე სხირტლაძე

დაიბადა სოფელ მრავალძალში (ონის რაიონი). 1923 წელს დაამთავრა დონის როსტოვის უნივერსიტეტის სამედიცინო ფაკულტეტი. 1923-24 იქვე მუშაობდა ფსიქიატრიულ კლინიკაში ა.იუშჩენკოსთან. ხელმძღვანელობდა ნოვოჩერსაკის (1924-26), სურამისა (1927-28) და ქუთაისის (1928-დან) ფსიქიატრიულ საავადმყოფოებს. ცნობილი ფსიქიატრი, ქუთაისის ფსიქიატრიული საავადმყოფოს მთავარი ექიმი, დასავლეთ საქართველოში ფსიქიატრიული დახმარების ქსელის შექმნის მოთავე, მისი თაოსნობით ქუთაისში დაარსდა ფსიქო-ნერვოლოგიური დისპანსერი (1933) და ფსიქიატრიული კოლონია ბავშვთა განყოფილებით (1935). ივანე სხირტლაძეს დიდი ღვაწლი მიუძღვის აგრეთვე ქუთაისის სამეუანო-საფერშლო სკოლისა და ფსიქიატრიული დისპანსერის დაარსებაში.