ივლიანე ბეჩოს ძე ფაილოძე

დაიბადა სოფელ ხუნწში (გეგეჭკორის რაიონი). 1930 წელს დაამთავრა თბილისის სახელმწიფო უნივერსიტეტის სამედიცინო ფაკულტეტი. ცნობილი ბიოქიმიკოსი, პროფ. ვ. ვარაზის მოწაფე, მედიცინის მეცნიერებათა დოქტორი, სადოქტორო დისერტაცია - "შარდოვანას გავლენა ჟანგვით პროცესებზე აზოტოვან ნივთიერებათა ცვლასთან დაკავშირებით" (1939). საკანდიდტო დისერტაცია - "შარდოვანას გავლენა ფლორიმინით გამოწვეულ გლიკოზურიაზე" (1936). თბილისის სახელმწიფო სამედიცინო ინსტიტუტის ბიოქიმიის კათედრის პროფესორი, საქართველოს სსრ ჯანმრთელობის დაცვის სამინისტროს პედიატრიის სამეცნიერო-კვლევითი ინსტიტუტის ბიოქიმიური განყოფილების ხელმძღვანელი.