ალექსანდრე თადეოზის ძე ხელიძე

დაიბადა ქ. ქუთაისში. 1921 წელს დაამთავრა პეტროგრადის სამხედრო-სამედიცინო აკადემია. საქართველოს სსრ დამსახურებული ექიმი. 

1927 წლიდან საკავშირო კ.პ. (ბ) წევრი. 20-ზე მეტი წლის მანძილზე მუშაობდა სამხედრო ექიმად ლენინგრადში, თბილისში, ბათუმში და სხვა ქალაქებში.

საბჭოთა ხალხის დიდი სამამულო ომის წლებში როგორც გამოცდილი სპეციალისტი, სარდლობდა და პასუხსაგებ დავალებებს ასრულებდა სამხედრო ჰოსპიტალების მოწყობის, სამედიცინო-სანიტარული მომსახურების გაუმჯობესების, დაჭრილ მეომართა ჯანმრთელობის აღდგენის საქმეში.

1943 წლიდან მუშაობდა ჯერ საქართველოს სსრ ჯანმრთელობის დაცვის სახალხო კომისრად, შემდეგ კი მინისტრად. ამავე დროს საქართველოს წითელი ჯვრის საზოგადოების ცენტარლური კომიტეტის თავმჯდომარედ.

• დაჯილდოებულია ლენინის ორდენით, წითელი დროშის, შრომის წითელი დროშის, სამამულო ომის მორე ხარისხის და წითელი ვარსკვლავის ორდენებით და 4 მედლით