ნიკოლოზ გიორგის ძე გეგეჭკორი

დაიბადა სოფელ მარტვილში (გეგეჭკორის რაიონი). 1914 წელს დაამთავრა პეტერბურგის სამხედრო-სამედიცინი აკადემია. ცნობილი თერაპევტი და ფტიზიატრი. დახელოვნდა ბერლინისა და პარიზის ტუბერკულოზის საწინააღმდეგო სპეციალურ დაწესებულებებში. 1923 წელს მუშაობდა პეტროგრადის, 1925-1927წწ. ბერლინისა და პარიზის თერაპიულ კლინიკაში. 1933-1937წწ. განაგებდა თბილისის სახელმწიფო სამედიცინო ინსტიტუტის შინაგან სნეულებათა დიაგნოსტიკის კათედრას. მედიცინის მეცნიერებათა დოქტორი, სადისერტაციო შრომა - „ღვედკეცას გულზე მოქმედების საკითხის შესახებ" (1937). დოცენტი. იყო ლიბანის სანატორიუმის ერთ-ერთი ორგანიზატორი.