კონსტანტინე მალხაზის ძე ელიოზიშვილი

დაიბადა სოფელ ქვემო ნიქოზეთში (გორის რაიონი). 1899 წელს დაამთავრა მოსკოვის უნივერსიტეტის სამედიცინო ფაკულტეტი. ცნობილი თერაპევტი. საქართველოს სსრ დამსახურებული ექიმი. სხვადასხვა დროს მუშაობდა თბილისის მიხეილის საავადმყოფოში ორდინატორად, გორის საქალაქო ჯანმრთელობის დაცვის განყოფილების გამგედ, გორის საავადმყოფოს მთავარ ექიმად. იყო გორის საქალაქო საბჭოს დეპუტატი, ამ საბჭოს ჯანდაცვის სექციის ხელმძღვანელი, ჯანმრთელობის დაცვის სამინისტროს სატერმინოლოგიო კომისიის წევრი. მისი ინიციატივით გაიხსნა საექიმო პუნქტი და აშენდა სამშობიარო სახლი სოფელ ნიქოზში. გორის მაზრის ექიმი; პირველ მსოფლიო ომში მუშაობდა სამხედრო ექიმად; მნიშვნელოვანია მისი შრომები თერაპიის აქტუალურ საკითხებზე; ავტორია სამედიცინო სახელმძღვანელოებისა ანატომიაში, ჰიგიენასა და ფიზიოლოგიაში; მისი წერილები მედიცინის საკითხებზე ხშირად ქვეყნდებოდა ჟურნალ-გაზეთებში; ეწეოდა პედაგოგიურ და საზოგადოებრივ მოღვაწეობას; მონაწილეობას ღებულობდა სამეცნიერო კონფერენციებში; იყო მრავალმხრივი პრაქტიკოსი ექიმი და წარმატებით მკურნალობდა სხვადასხვა დაავადებებს; გორის საზოგადოებამ ქალაქ გორის ერთერთ ქუჩას კონსტანტინე ელიოზიშვილის სახელი უწოდა.

• გორის საქალაქო საბჭო, დეპუტატი
• გორის საქალაქო საბჭოს ჯანდაცვის სექცია, ხელმძღვანელი
• საქართველოს ექიმთა სამეცნიერო საზოგადოება, წევრი
• საქართველოს ექიმთა სამეცნიერო საზოგადოების გორის ფილიალი, ხელმძღვანელი
• საქართველოს სსრ ჯანმრთელობის დაცვის სამინისტროს სატერმინოლოგიო კომისია, წევრი

• 1951 - ლენინის ორდენი
• 1948 - მედალი "კავკასიის დაცვისთვის"
• 1946 - მედალი "შრომითი მამაცობისთვის"
• 1945 - საქართველოს დამსახურებული ექიმი
• 1945 - საპატიო ნიშნის ორდენი

• გაზაფხულის მწვავე შეშუპება (ავტორი). - თბილისი, საქმედგამი, 1957. - 76 გვ.
• ადამიანის ნორმალური ანატომია : საექიმო ტეხნიკუმებისათვის (ავტორი). - ტფილისი, სახელგამის გა-მა, 1932. - 184 გვ.
• ყვავილი, ყვავილის აცრა და ჩუდ-ყვავილა (ავტორი). - ტფილისი, სახელგამის გა-მა, 1932. - 38 გვ.
• ყალათმა და ავი ხუნაგი (ავტორი). - ტფილისი, სახელგამის გა-მა, 1931. - 31 გვ.
• ჭლექი და მისი წამლობა (ავტორი). - ტფილისი, წ.-კ. გამავრც. საზ-ბის გამოც. N 223, 1920. - 44 გვ.
• პირველი დახმარება უბედური შემთხვევებისა და უცები ავადმყოფობის დროს : სახელმძღვანელო სამედიცინო ტექნიკუმებისათვის (ავტორი). - ტფილისი, სახელგამის სასწ. პედ. სექტორი. - 152 გვ.