ილია დავითის ძე კვიჟინაძე

   დაიბადა სოფელ კიკნაველეთში (ორჯონიკიძის რაიონი). 1917 წელს დაამთავრა იურიევის (ტარტუს) უნივერსიტეტის სამედიცინო ფაკულტეტი. საქართველოს სსრ ჯანმრთელობის დაცვის კომისარიატის სანიტარულ-ეპიდემიოლოგიური სამმართველოს უფროსი.

   გაასამართლეს, ბრალად ედებოდა: რომ კვიჟინაძე იყო კ/რ დივერსიულ-მავნებლური ორგანიზაციის წევრი. მავნებლობდა საქართველოს ჯანდაცვის სახალხო კომისარიატის ეპიდემიოლოგიური სამმართველოს ხაზით. კვიჟინაძემ აქტიური მონაწილეობა მიიღო სიღნაღის რაიონში მოწყობილი ბაქტერიოლოგიური დივერსიის მიჩქმალვაში. მხილებული იყო გ. ელიავასა და ს. გ. სოსიანის ჩვენებებში. მუხლი: 58-7, 58-9, 58-11. სასჯელის ზომა: დახვრეტა, პირადი ქონების კონფისკაცია სხდომის თარიღი: 06/21/1938 დახვრეტის თარიღი: 06/22/1938