კონსტანტინე ტარიელის ძე ლორთქიფანიძე

დაიბადა სოფელ დიდ ჯიხაიშში (სამტრედიის რაიონი). 1893 წელს დაამთავრა ხარკოვის უნივერსიტეტის სამედიცინო ფაკულტეტი. შრომის გმირი (1928). ცნობილი თერაპევტი. სხვადასხვა დროს მუშაობდა ექიმად დიდი ჯიხაიშის სოფლის ქსენონში, ბაქოში საავადმყოფოს ორდინატორად, თბილისში მიხეილის საავადმყოფოს თერაპიული განყოფილების გამგედ, თბილისის ქალაქის I საავადმყოფოს მთავარ ექიმად. აღსანიშნავია მისი შრომები მუცლის ტიფის, ტუბერკულოზის, მალარიის, ღვიძლის აბსესის, აორტის ანევრიზმების, კუჭის სეკრეციის მოშლის, კურორტული ფაქტებით მკურნალობის და სხვა საკითხებზე. ამიერკავკასიაში პირველმა შემოიღო ხელოვნური პნევმოთორაქსით ავადმყოფთა მკურნალობა.

• 1928 - შრომის გმირი