ნიკოლოზ ივანეს ძე მახვილაძე

დაიბადა ქ. თეთრიწყაროში. ნოვოროსიის (ოდესის) უნივერსიტეტის სამედიცინო ფაკულტეტის და პეტერბურგის სამხედრო-სამედიცინო აკადემიის აღზრდილი (დაამთავრა 1914 წელს). გამოჩენილი თერაპევტი. დახელოვნდა დასავლეთ ევროპის სხვადასხვა ქვეყნების სპეციალიზებულ დაწესებულებებში. მედიცინის დოქტორი, სადისერტაციო შრომა - „სისხლის მორფოლოგიური ცვლილებების შესწავლისათვის პელაგრის დროს" (1925). პროფესორი, მეცნიერების დამსახურებული მოღვაწე. იყო შრომის ჰიგიენის და პროფესიულ ავადმყოფობათა სამეცნიერო-კვლევითი ინსტიტუტის ორგანიზატორი, მისი პირველი დირექტორი, თბილისის უნივერსიტეტის სამედიცინო ფაკულტეტის, შემდგომში თბილისის სახელმწიფო სამედიცინო ინსტიტუტის შინაგან სნეულებათა პროპედევტიკის კათედრის გამგე, ავტორი სახელმძღვანელოსი - შინაგან სნეულებათა პროპედევტიკა და კლინიკური ანალიზი (შესრულებული პროფ. შ. მიქელაძესთან თანაავტორობით) და გამოკვლევების ანკილოსტომიდოზის, პელაგრის, ბრუცელოზის გავრცელებისა და ინვაზირების საკითხების შესახებ საქართველოში. 

• 1941 - საქართველოს მეცნიერებათა დამსახურებული მოღვაწე

• მასალები სისხლის მორფოლოგიის ცვლილებების შესწავლისათვის პელაგრის დროს (ავტორი). - ტფილისი, კლინიკურ-ჰემატოლოგიური გამოკვლევა [დისერტაცია] (ავტორი). - ტფილისი, ტფილისის უნივერსიტეტის გამოცემა, 1925. - 123 გვ.