ნიკოლოზ პავლეს ძე რუხაძე

დაიბადა სოფელ ქვიტირში (წყალტუბოს რაიონი). 1906 წელს დაამთავრა მოსკოვის უნივერსიტეტის სამედიცინო ფაკულტეტი. ტროპიკოლოგ-მალარიოლოგი. შრომის გმირი (1933). დახელოვნდა იტალიაში (1925), საიდანაც ჩამოიტანა 153 ცალი თევზი - გამბუზია. დიდი ღვაწლი მიუძღვის აფხაზეთში მალარიასთან ბრძოლის ღონისძიებათა გატარებაში. მნიშვნელოვანია მისი შრომები მალარიის დიაგნოსტიკის, მკურნალობის, კლინიკის და პროფილაქტიკის საკითხებზე, რომელნიც ნათარგმნია რუსულ, ინგლისურ, იტალიურ ენებზე. მისი ინიციატივით აფხაზეთის ცენტრალურ სამალარიო სადგურის ბაზაზე დაარსდა ტროპიკული ინსტიტუტი, რომლის დირექტორადაც თვითონვე იყო. მისი თაოსნობით საბჭოთა კავშირში პირველად შეიქმნა საბონიფიკაციო საქმე, მან პირველმა გამოსცა წიგნი "ბონიფიკატორის ცნობარი" (1933).

• 1933 - შრომის გმირი

• "ბონიფიკატორის ცნობარი" (ავტორი). - 1933