ნიკონ აქვსენტის ძე ფოფხაძე

დაიბადა სოფელ ბარეულში (ამბროლაურის რაიონი). 1914 წელს დაამთავრა პეტერბურგის სამხედრო-სამედიცინო აკადემია. მედიცინის მეცნიერებათა დოქტორი, სადისერტაციო შრომა - „სინოკაროტიდული სისტემის ზეგავლენა თავის ტვინის ლიქვორო-ჰემოდინამიკაზე" (1942), საკანდიდატო სადისერტაციო შრომა - "ბლოკადის ზეგავლენა ცენტრალურ და პერიფერიულ ნერვული სისტემის დაავადებათა დროს კლინიკური მასალის მიხედვით" (1936). პროფესორი, მეცნიერების დამსახურებული მოღვაწე. თბილისის სახელმწიფო სამედიცინო ინსტიტუტის პედიატრიული, სანიტარულ-ჰიგიენური და სტომატოლოგიური ფაკულტეტების ნერვულ სნეულებათა კათედრის გამგე.