ალექსანდრე გიორგის ძე მაჭავარიანი

დაიბადა ქ. ბათუმში. 

1910 წელს დაამთავრა პეტერბურგის სამხედრო-სამედიცინო აკადემია.

1911 წელს მოაწყო ექსპედიცია სვანეთში ჩიყვის შესასწავლად და, ამ მასალაზე დაყრდნობით, 1914 წელს დაიცვა სადოქტორო დისერტაცია პეტერბურგის სამხედრო-სამედიცინო აკადემიაში. 1914-1918წწ. მონაწილეობდა I მსოფლიო ომში. 1919 წელს დაიწყო მუშაობა თბილისში, ამიერკავკასიის ჰოსპიტალში ქირურგ-კონსულტანტად. 1919 წელს თბილისის სახელმწიფო უნივერსიტეტის სამკურნალო ფაკულტეტზე დააარსა (და ხელმძღვანელობდა) ტოპოგრაფიული ანატომიისა და ოპერატიული ქირურგიის კათედრა. 1927-1928წწ. იყო თბილისის სახელმწიფო უნივერსიტეტის სამკურნალო ფაკულტეტის დეკანი, 1937-1941წწ. - თბილისის სამედიცინო ინსტიტუტის დირექტორი და, ერთდროულად, საქართველოს ჯანდაცვის მინისტრის მოადგილე. იკვლევდა ფარისებრ ჯირკვალს, ბრმანაწლავს, სწორი ნაწლავის კიბოს, კუჭისა და თორმეტგოჯა ნაწლავის წყლულოვან დაავადებებს და ა. შ. გამოცემული აქვს სახელმძღვანელოები სამედიცინო ქირურგიის სხვადასხვა სფეროში. ქირურგი, საქართველოში კლინიკური ქირურგიის ერთ-ერთი ფუძემდებელი, პროფესორი (1919).

პროფ. ველიამინოვისა და ბასოვის მოწაფე. მედიცინის დოქტორი, სადისერტაციო შრომა - „Вязкость, свертываемость и некоторые другие гематологические данные при заболевании щитовидной железы“ (1914).  თბილისის უნივერსიტეტის სამედიცინო ფაკულტეტის, შემდგომში თბილისის სახელმწიფო სამედიცინო ინსტიტუტის საფაკულტეტო ქირურგიული კლინიკის დამაარსებელი და მისი პირველი გამგე. საქართველოს სსრ ჯანმრთელობის დაცვის მინისტრის მოადგილე, თბილისის სახელმწიფო სამედიცინო ინსტიტუტის დირექტორი. მისი შრომები ეხება აპენდიციტების, დაინფექტებული ჭრილობების, ჩიყვის, ექინოკოკოზის დიაგნოსტიკისა და ქირურგიული მკურნალობის საკითხებს.

• ამიერკავკასიის ცაკი, წევრი (1931-)

• 1939 - საქართველოს მეცნიერებათა დამსახურებული მოღვაწე
• შრომის წითელი დროშის ორდენი

• კლინიკური ლექციები ქირურგიიდან (ავტორი). - თბილისი, საქმედგამი, 1936. - 134 გვ.
• კერძო ქირურგიის სახელმძღვანელო : კიდურთა ქირურგია (ავტორი) // ტ. 3, წ. 2. - ტფილისი, სახელგამი, 1928. - 425 გვ.
• ქირურგიის სახელმძღვანელო : მუცლის ღრუს ქირურგია (ავტორი) // ტ. 2. - თბილისი, საქართველოს სახალხო განათლების კომისარიატის გამოცემა, 1925. - 364 გვ.