ვარლამ პავლეს ძე მოსეშვილი

დაიბადა სოფელ გუბისწყალში (წყალტუბოს რაიონი).

1898 წელს დაამთავრა ხარკოვის უნივერსიტეტის სამედიცინო ფაკულტეტი.

1910-1911წწ. მივლინებული იყო პარიზში. 1918 წელს აირჩიეს ხარკოვის უნივერსიტეტის ფარმაკოლოგიის კათედრის პროფესორად. 1918 წელს თბილისის უნივერსიტეტის პროფესორთა საბჭომ ქართული უნივერსიტეტის პროფესორად მოიწვია. 1918-1919წწ. ასრულებდა თბილისის სახელმწიფო უნივერსიტეტის სამკურნალო ფაკულტეტის დეკანის მოვალეობას. 1920 წელს არჩეულ იქნა ფარმაციის კათედრის გამგედ, ხოლო მოგვიანებით სამკურნალო ფაკულტეტის დეკანად. 1930-1943წწ. ხელმძღვანელობდა თბილისის სამედიცინო ინსტიტუტის ფარმაკოლოგიის კათედრას. იკვლევდა სანარკოზო ნივთიერებების მოქმედებას, მცენარეული წარმოშობის სამკურნალო ნივთიერებების გავლენას გულ-სისხლძარღვთა და კუჭ-ნაწლავის სისტემებზე და სხვა. დაწერა ზოგადი ფარმაკოლოგიის სახელმძღვანელო. ფარმაკოლოგი.

პროფ. ი. პოპოვის მოწაფე. მედიცინის დოქტორი, სადისერტაციო შრომა - „Материалы о фармакологии невронала и др.“ (1908). პროფესორი, საქართველოს სსრ მეცნიერების დამსახურებული მოღვაწე, თბილისის უნივერსიტეტის სამედიცინო ფაკულტეტის, შემდგომში თბილისის სახელმწიფო სამედიცინო ინსტიტუტის ფარმაკოლოგიის კათედრის ორგანიზატორი და პირველი გამგე, სამედიცინო ფაკულტეტის ერთ-ერთი ორგანიზატორი, თბილისის ზოოტექნიკურ-სავეტერინარო ინსტიტუტის ფარმაკოლოგიისა და ტოქსიკოლოგიის კათედრის გამგე.

• ზოგადი ფარმაკოლოგიის სახელმძღვანელო : მაღლესი მედიკური სასწავლებლებისათვის (ავტორი). - თბილისი, საქბიომედგამი, 1938. - 80 გვ.